Um niðjatölin

Ættfræðigögnum þessum hefur verið safnað á síðustu 30 árum, fyrst með því að yfirheyra ættingjana. Nú hefur tæknin tekið völdin. Eftir að Íslendingabók opnaði á netinu, hefur Óli reglulega flett í gegn um þann gagnagrunn og bætt við börnum, mökum og öðrum gögnum sem hér birtast. Niðjatöl langalangafa minna eru takmörkuð við fjórar kynslóðir. Þau er sýnu snúnara en niðjatöl langafanna þar sem Íslendingabókar nýtur ekki lengur við. Upplýsingar um Vestur Íslendinga eru m.a. af vefsíðu IR (Icelandic roots). Margir hafa haft samband og veitt ítarlegri upplýsingar en Íslendingabók veitir og leiðrétt villur sem alltaf slæðast inn.
Óli var að bæta við tveimur myndrænum niðjatölum (des. 2022). Tilefnið er mikið magn mynda, sem fundist hafa í dánarbúum foreldra minna og við Óli höfum verið að reyna að nafngreina með hjálp ættvísra manna í fjölskyldunni.
Skjölin verða því betri sem þeim mun fleiri sem láta í sér heyra. Senda póst !