Um niðjatölin

Ættfræðigögnum þessum hefur verið safnað á síðustu 30 árum, fyrst með því að yfirheyra ættingjana og ekki síst voru foreldrar okkar iðin við kolann að veita upplýsingar. Nú er þau öll löngu fallin frá og tæknin tekið völdin.
Síðustu árin, eftir að Íslendingabók opnaði á netinu, þá hef ég reglulega flett í gegn um þann gagnagrunn og bætt við börnum, mökum og öðrum gögnum sem hér birtast.
Ég er að byrja vinnu við að safna gögnum um langalangafa okkar og takmarka mig þar við fjórar kynslóðir. Þetta er sýnu snúnara en niðjatöl langafanna þar sem Íslendingabókar nýtur ekki lengur við. Upplýsingar um Vestur Íslendinga hef ég nálgast hjá vefsíðu IR (Icelandic roots). Gögn verða birt um leið og þau fæðast en hugmyndin er að átta sig betur á hverjir eru fjórmenningar við mann. Ég tel nefnilega tilefni til þess að ávarpa fjórmenninga sem frændur og frænkur en það sama gildir tæplega um fimmmenninga.
Margir hafa haft samband og veitt ítarlegri upplýsingar en Íslendingabók veitir og leiðrétt villur sem alltaf slæðast inn. Skjölin verða því betri sem þeim mun fleiri sem láta í sér heyra. Senda póst !
Var að bæta við myndrænu niðjatali. Tilefnið er mikið magn mynda, sem fundist hafa í dánarbúum foreldra minna, og við Helga höfum verið að reyna að nafngreina.