Heimili okkar frá vöggu til dagsins í dag
Auðvitað vantaði myndir af öllum húsum við við höfum búið í, í sitt hvoru lagi og saman. Þá er búið að ráða bót á því. Fleiri myndir eru á bak við sumar myndirnar, merktar með +.
1975 um sumarið Hvolsvegur 30, Hvolsvelli
Við fluttum austur á Hvolsvöll í 2-3 mánuði þegar Hönnun opnaði skrifstofu á Hvolsvelli.
Ég vann við að hanna götur á Hvolsvelli og Vík og sinnti jafnframt eftirliti með framkvæmdum.
Þessi mynd er tekin 1975.
2003-2014 Frostaskjól 25, Reykjavík
Þessi mynd var tekin þegar við fórum að skoða húsið í fyrsta sinn með Ólöfu.
Þarna bjuggum við þar til allir voru fluttir að heiman og við vorum tvö ein eftir í tæpum 300 m2.
Þessi mynd er tekin 2003.
2014- Hrólfsskálamelur 14, Seltjarnarnesi
Enn var flutt til vesturs og nú skipt um bæjarfélag, sem þótti lengi vel óhugsandi. Hér búum við enn og höfum það mjög gott í 150 m2 fasteign með útsýni yfir mest allt Reykjanesið.
1947 Laufásvegur 60, Reykjavík
Helga fæddist á Laufásveginum og átti heima þar í nokkra mánuði áður en flutt var á Ásvallagötuna, rétt fyrir jól.
Laufásvegur 60 er hægri inngangurinn á húsinu.
Þessi mynd er tekin 2020.
1947-2003 Ásvallagata 4, Reykjavík
Helga bjó á Ásvallagötunni í 56 ár og þegar upp var staðið, hafði hún átt heima á öllum hæðum hússins.
Þessi mynd er tekin 2003.
1946 Eiríksgata 27, Reykjavík (+)
Mamma og pabbi bjuggu á Eiríksgötu frá 1944-1946.
Þarna fæddist ég og líklega hefur verið fullþröngt um litlu fjölskylduna þarna því fljólega var flutt í Sörlaskjólið.
Amma Emilía bjó þarna eitthvað lengur a.m.k. eru til myndir af mér þarna fyrir utan 3-4 ára gömlum.
Þessi mynd er tekin 2019.
1946-1948 Sörlaskjól 17, Reykjavík
Ég man eðlilega ekkert eftir mér þarna og kann lítið af þessum búskap að segja.
Þó minnir mig að pabbi og mamma hafi leigt í kjallaranum (bak við hríslurnar á myndinni).
Þessi mynd er tekin 2020.
1948-1953 Kirkjuteigur 27, Reykjavík (+)
Ég man fyrst eftir mér á Kirkjuteignum. Fyrsta skólaárið mitt var í Laugarnesskóla, hinum megin við götuna.
Þessi mynd er tekin 2020.
1953-1967/8 Teigagerði 17, Reykjavík
Pabbi byggði þetta hús og þarna bjó ég þar til ég flutti að heiman stuttu eftir að ég eftir að byrjaði í verkfræðinni.
Þessa mynd er á fyrstu filmunni sem ég tók á Yasíkuna, sem var fyrsta 35mm myndavélin sem ég eignaðist árið 1962.
Eftir að þessi mynd var tekið var byggt við það og einnig var settir á stórir kvistir.
Pabbi og mamma bjuggu þarna síðan til 1992.
1969-1970 Kampsax kollegiet, Lyngby, Danmörku
Ég flutti til Danmerkur til að ljúka seinni hluta verkfræðinámsins.
Fyrsta veturinn bjuggum við á tveimur samliggjandi einsmanns herbergjum á stúdentagarði rétt við DTH.
1970-1972 Kagså kollegiet, Herlef, Danmörku
Seinni tvö árin í Kaupmannahöfn bjuggum við á nýbyggðum hjónagarði rétt utan við Kaupmannahöfn.