Skólar

Skólaganga

Hér verða upptaldir allir skólar sem við sögu koma. Í sumum tilfellum er bara mynd af skólanum og örstuttur texti, annast staðar er frá meiru að segja, sérstaklega MR.

Tímakennsla, barna- og gagnfræðaskólar:

Laugarteigur 39
	
1952-3 Tímakennsla
					
Skólagangan hófst með tímakennslu. Ég átti heima á Kirkjuteigi 27 og Laugateigurinn var skammt undan.
					Á Laugateigi 39 bjuggu þá kennararnir Þórarinn Hallgrímsson og Vigdís A. Elíasdóttir, þau byggðu húsið og stúkuðu það niður í 5 íbúðir og leigðu út. 
					Vigdís rak tímakennslu þar í mörg ár. 
					
Svo skemmtilega vill til að bekkjarbróður minn úr MR, Ágúst H. Bjarnason, á þetta hús í dag og veitti mér þessar upplýsingar.
					Ekki mundi ég hvað kennarinn hét, en það mun hafa verið Vigdís.
					
Þessi mynd er tekin 2021.
					
Laugarnesskóli
	
1953-4 Barnaskóli
					
Ég man því miður ekki hvað kennari minn í Laugarnesskóla hét, en ég man að kennslustofan var á svölum á annari hæð. 
					Salurinn var mjög eftirminnilegur og í salnum stóðu nemendur, hver fyrir utan sína stofu, og tók þátt í morgunsöng sem Ingólfur Guðbrandssson stjórnaði.
					Þá man ég vel eftir lýsisuppáhellingu. 
					
Ég flutti inn í Teigagerði 17 í nóvember og það sem eftir lifði vetrar var tekinn skólabíll frá Smáíbúðarhverfinu niður í skóla.
					
Þessi mynd er tekin 2021.
					
Háagerðisskóli
	
1954-6 Barnaskóli
					
Nú var búið að byggja smábarnaskóla með þremur kennslustofum á milli Mosgerðis og Háagerðis í Smáíbúðahverfinu og var hann kallaður Háagerðisskóli.
					
Þarna byrjaði ég í E-bekknum sem Marinó L. Stefánsson kenndi. Hann átti eftir að kenna mér í gegnum allar barnaskólann, alls í fimm ár.					
					
Þessi skóli varð síðar rekinn sem leikskólinn Staðarborg. Ath. hvernig þetta húsnæði er nýtt í dag.
					
Þessi mynd er tekin 2021.
					
Breiðagerðisskóli	
					
1956-9 Barnaskóli
					
E-bekkurinn, sem Marinó L. Stefánsson kenndi, flutti árið 1956 inn í Breiðagerðisskólann úr Háagerðisskólanum. 
					Við vorum þau fyrstu sem fluttu inn í skólann ásamt nokkrum bekkjum öðrum.
					Stofan okkar var sú vestasta, næst Steinagerðinu.
					
Þessi mynd er tekin 2021.

Réttarholtsskóli

Gagnfræðiskólinn við Vonarstræti

Framhaldsskólar:

		
					MR 3. bekkur
					MR 4.-6. bekkur				
					
1962-6 Menntaskóli
					
Menntaskólaárin eru eftirminnileg og mikið var tekið af myndum. Aðeins brot af þeim er hægt að koma til skila, en ég mun gera mitt besta. 
						Bekkjarfélagar úr 4.-6. bekk (Z-bekknum) hittast enn reglulega til að taka púlsinn. 
					
Þessi mynd er tekin við dimission 1963.
					
Háskóli Íslands	
					
1966-9 Háskóli (verkfræði, f. hl. próf) 
					
Fyrri hluti verkfræðináms var tekinn við Háskóla Íslands. Námið tók þrjú ár en að því loknu var haldið til Danmerkur.
					
Þessi mynd er tekin 1975.
					
Danmarks Tekniske Höjskole	
					
1969-72 Háskóli (verkfræði, masterspróf) 
					
Til Danmerkur var haldið til að ljúka námi í verkfræði við DTH (nú DTU). Það tókst á tilætluðum tíma eða þremur árum.
					
Þessi mynd er tekin 1969 af stúdentagarðinum sem staðsettur var inni á miðju háskólasvæðinu en allar byggingar á svæðinu voru í sama dúr.